多謝亞蘇!

全因為" 蘇 Good"
真係煮飯多咗。

金不換炒蜆
生菜牛肉粥
豉汁蒸飛機排
GreyHound cafe 雞翼
泰式豬頸肉
臺式皮蛋肉鬆豆腐
仲有其他陸續有嚟。

Lace Tree

這幾年看了很多跟lace有關的物件, 但這個lace樹真的很特別。

Beauitful Typo-design

Toast Box

新港中心除了沈家偉玩晒全場之外，原來食肆就俾新加坡佬玩晒，
Food Court 係來自新加坡的Food Republic, 麵包店係來自新加坡的 Bread Talk, Bread Talk旁邊的小店又係同樣來自新加坡的Toast Box.
小店主打係咖央吐司和當地咖啡 ，坐位不多而且是半自助形式，等位排隊之餘買嘢又排隊，排了很久為的就是一個HK$26的Tea Set.

我選的Tea Set包括: 咖央吐司，半熟蛋兩只，新加坡黑咖啡(添加煉奶）

咖啡比想像中的好，熱的較凍的好。半熟蛋居然有點像日本的溫泉蛋，可加豉油或胡椒粉。咖央吐司中有咖央醬，還有一薄片牛油，我其實已經滿足得很，不過黃生堅持同“ 坤記“ 仲羞好遠！

但係“ 坤記“ 真係喺新加坡呢！

粗鹽與Banana muffin

今早，心血來潮，想焗一些新鮮的東西做早餐，
所以就決定整無什麼難道的Banana Muffin.

其實，整Muffin是要加一些鹽的，只可惜我家只有粗鹽，
焗後都唔融 ，成粒係番度，黃生因此食得十分不滿!

下次再整的話，一定要用幼鹽。


BANANA MUFFIN

INGREDIENTS
1 1/2 cups all-purpose flour
1 teaspoon baking powder
1 teaspoon baking soda
1/2 teaspoon salt
3 large bananas, mashed
3/4 cup white sugar
1 egg
1/3 cup butter, melted

DIRECTIONS
Preheat oven to 350 degrees F (175 degrees C). Coat muffin pans with non-stick spray, or use paper liners. Sift together the flour, baking powder, baking soda, and salt; set aside.
Combine bananas, sugar, egg, and melted butter in a large bowl. Fold in flour mixture, and mix until smooth. Scoop into muffin pans.
Bake in preheated oven. Bake mini muffins for 10 to 15 minutes, and large muffins for 25 to 30 minutes. Muffins will spring back when lightly tapped.

危險

Plan咗三個月嘅布吉之旅，險些兒因為泰國總理沙瑪而告吹！
布吉機場突然關閉三日，家人也不斷地提供暴動的頭條新聞報紙，並說「打仗咁亂，唔好去嘞！」
自己都心諗：就算想去，機場關閉都去唔到啦！
問定旅行社同保險有無得賠，又Check唔到住。

估唔到最後幫到我的會是胡慧沖，同一班移居布吉的香港人又或是一班因機場關閉而滯留布吉的香港人。
透過他們的現場報到，我知道了最新布吉的現況，當中也發現了一班與我一樣不知可否成行的香港人。
其實示威並不是如報導的嚴重，他們的一手資料確令我放心不少。

很想感謝布吉的師太與曼谷live報導的胡慧沖！

http://www.thailandfans.com/forum/viewthread.php?tid=63284&extra=page%3D1

http://rogerwu.mysinablog.com/index.php?op=ViewArticle&articleId=1325853

http://rogerwu.mysinablog.com/index.php?op=ViewArticle&articleId=1327423

Titanic

在網上看見這個Design,覺得很“絕“！

最愛

有日，問李媽媽：「佩玲最愛的是什麼食物？」
李媽媽二話不說：「雞，雞翼，雞蛋！」

我可以作出少許修正，佩玲最愛的應該是：「雞蛋，麵包，雞蛋！」

麵包 ，狹義：包括多士、三文治、熱狗、漢堡包、流沙包、奶油豬仔包、叉燒包、法式長包、點陳醋同橄欖油的意大利麵包。
廣義：包括pizza, donut, pancake及一切由麵粉及酵母加混合而成的東西粉團。

雞蛋包括荷包蛋、太陽蛋、煎雙蛋、半生熟烚蛋、炒蛋、溫泉蛋、鹽焗蛋、三色蒸水蛋、燉蛋、源記桑寄生蛋茶的蛋...

我可以一日不吃飯，但每日幾乎總有吃過「雞蛋，麵包，雞蛋！」
為什麼「雞蛋，麵包，雞蛋！」？因為一日會吃兩隻蛋law。

李媽媽補充：「由細到大，每年佩玲生日，只要煎一隻荷包蛋加豉油撈飯，佩玲就會好開心！」

泡芙, 無你符！

之前在無印買了盒泡芙粉，看見盒面那張泡芙相，實在靚得不能不買，仲可以砌棵聖誕樹，真係過時過節招呼朋友的佳品。
二話不說買下後，一直等一日心情好啲，時間多啲，屋企人氣多啲去烘。
終於聖誕過了，新年過了，復活清明回歸都過了，等到的只有喺盒泡芙粉上面嘅塵多咗。

突然來到的八號風球，一陣東南列風吹走我條懶筋，花了八十分鐘一心想去烘一棵泡芙聖誕樹。
一盒泡芙粉可做出原味和朱古力味小泡芙各十八個。奇怪的是我只能做出共十二個泡芙。原味的還好，望落去都是一個球體，朱古力味小泡芙不但“泡“唔起，淨睇外表唔聞其味一定會以為我烘的是冬菇！

俾人寫.

see more at http://www.derekcolumn.blogspot.com/

黑雨後的維港

腳患

05年去日本狂行路的後果，腳跟行路時一直很不舒服，看過物理治療，但不能斷尾。想照X-RAY，西醫又話我無需要。
最後唯有嘗試一些自虐方法。

Raspberry coconut square

This is for my friend----Frank Chan

曲奇餅復活了

死去了年多的造餅慾望在今年復活節復活了！

日本feel

上次去日本時，最後在機場吃了一碟日式咖哩飯，之後就一直想自己做一次。日本的咖哩，雖然唔辣，但因為有蘋果的甜味而很特別。
可惜想整前俾人一頭冷水照頭淋：有蘋果的咖哩，好難整喎！

唔死心，在internet上search 吓，見到一個一定work 嘅 recipe, 又真係唔難喎，所以咪試吓囉！
都似模似樣呀。為了加強日本feel，突別買了一罐Yebisu 的日本啤酒。Yebisu 出產自東京恵比寿，已有過百年歷史。而恵比寿的名字也就是 Ebisu, 不知是有 Yebisu 先，定有Ebisu先！

在日本飲過呢罐Yebisu克啤，係我第一次飲嘅克啤，唔苦之餘仲有好香的麥味，可能我見識少，嗰次真的令我覺得啤酒是好飲的。只可惜今次在香港買的呢罐Yebisu克啤，無麥香之餘仲有罐頭嘅鐵鏽味！只好記住下次去日本時再買！

天堂與地獄 之 一念之差

平安夜大忌

一）去德意志博物館
二）唔知死，再去BMW博物館
三）去埋 Olympic 場館
四）入夜仲去睇飛碟發光體育館
五）五點後想去 shopping
六）八點後想去行 X'mas market
七）平安夜晚想食聖誕大餐
八）問餐館借廁所

香腸，Hot Wine，蘋果派

頭五天在德國，每天總是腸不離口。香腸果真是他們的國寶，每個地方出的口味又有所不同，長的短的紅的白的三條一組的，充斥在市集中。食 " Hot dog " 幾乎是我們每日的指定動作。烤香了的腸就簡單地放進同樣烤香了的硬豬中，隨意地加上茄汁和芥末，好 functional 地令人飽肚。但幾天後開始發覺硬豬快將我們的上顎都𠝹開時，突然在市集發現除了香腸以外的選擇，就是炆豬什！它的精粹就是它被一個很香很熱的汁浸住，個汁除了可以keep 住啲豬什熱，最緊要的是可以將硬豬浸淋，因為硬豬真的很硬。
吃了多個硬豬熱狗後，有晚發現了新口味，就是即炸蘋果派。只是簡單的炸粉加蘋果，再加上肉桂粉。老實說，我不是肉桂的Fans，但那個炸蘋果派真的很好吃。
不知是否德國盛產蘋果還是熱愛蘋果，因為還有一種美味的食物也是蘋果做主角，就是Apple wine. 那是熱辣辣的，也有加上肉桂的甜酒，在寒風刺骨的户外簡直一流！

蜜月之旅2 德國聖誕市集

德國是這次 trip 的第一站。本來是路過的，但由於轉機之間等得太耐，聽說又有傳統的聖誕市集，這種氣份下過一個白色聖誕一定很浪漫。
飛到 Frankfurt 後改以附近的 Wurzburg 為中心，然後向四方八面的" ~burg" 出發！事實上每個" ~burg" 都是以教堂為舊城的市中心，然後又以放形式發展開去的。有部份" ~burg"還保留護城牆！

久仰大名的海德堡，沒有想像中吸引，雖然我們連月台結霜的樹枝都狂影相，當地人眼中我們像是低能一樣！我們兩位街童在路旁的樹下玩“扮落雪“，咁又半粒鐘。要玩“扮落雪“係因為當日真係無雪落，只有飄雪幾瓣，但對於未見過雪的我同樣有震撼！

反而紐倫堡是我覺得這次 trip 德國中最靚的地方。全德國百多個聖誕市集中，紐倫堡的那一個是歷史最悠久和最大的。從護城牆往教堂走去看見的小攤檔除了是買傳統的聖誕工藝品，還有看見買生果蔬菜的民生小檔。可能我曾到過青島，那類木製聖誕裝飾已見過甚至買過，再加上 Euro 真的貴得可憐，所以最後都將子彈留在別的東西上。

在德國五日去足五個不同聖誕市集，個個大致一樣但又有小處不同。到頭來朋友託我買的 LV 領呔亦真係得個 "託" 字！

蜜月之旅 1

每次旅行都有一本記事部跟身，記底每日的事，但唔係次次都可以堅持到尾。
今次我試圖寫到最後一日，希望日後可以懷念一番，諗諗吓，不如喺度寫吓啦。

一直想寫吓旅行，尤其我有好多奇怪旅行經歷。

剛剛去完蜜月旅行，記憶最新，就由呢個 trip 寫先啦。

我心目中的蜜月旅行目的地，一直都是歐洲 （雖然中途有諗過三番市，因為有得寄居），但要搵大家都未去過或者好有衝動想去的地方又唔係咁易。最初諗去葡萄牙，啲野又好食，又可以去西班牙（雖然大家都去過兩次），南歐又暖啲。
但兩三個月前突然醒起有個朋友去過一個叫克羅地亞同斯洛文尼亞的地方，我當然同好多人一樣唔知喺邊，但做吓 research ，又真係幾得，中古feel得嚟又有啲九塞溝嘅國家園，最重要係少人去過ma......

http://www.smileytravel.com.hk/gallery/croatiaslovenia

睇完啲相即刻改目的地，向克羅地亞同斯洛文尼亞出發。