泡芙, 無你符！

之前在無印買了盒泡芙粉，看見盒面那張泡芙相，實在靚得不能不買，仲可以砌棵聖誕樹，真係過時過節招呼朋友的佳品。
二話不說買下後，一直等一日心情好啲，時間多啲，屋企人氣多啲去烘。
終於聖誕過了，新年過了，復活清明回歸都過了，等到的只有喺盒泡芙粉上面嘅塵多咗。

突然來到的八號風球，一陣東南列風吹走我條懶筋，花了八十分鐘一心想去烘一棵泡芙聖誕樹。
一盒泡芙粉可做出原味和朱古力味小泡芙各十八個。奇怪的是我只能做出共十二個泡芙。原味的還好，望落去都是一個球體，朱古力味小泡芙不但“泡“唔起，淨睇外表唔聞其味一定會以為我烘的是冬菇！