書

畢業後的頭幾年，一直有件事會自己嚇自己, 就係突然會覺得自己借書未還。𠴱一秒，自己真係會信以為真，以為會罰一鑊金。

我自小就愛蒲圖書館，一來可以睇書，二來可以涼冷氣，三來因為自己條村就有一間，就腳非常.
所以我一直以為所有小朋友童年時都愛蒲圖書館，直到我大學畢業後，先知原來"自己條村就有一間圖書館"係 luxury.

借書證，我小學就有，一共可以借三本書，限期十四日。Poly 的借書證，更可借書七本，限期一個月。

問題就係有咁多quota，research又要睇書，咪借吓一本又一本，借完又還，還完又借，借完又借，還完又再借，借完又續借。。。
所以我屋企地上長期有書一棟，以至我之後自己嚇自己，總覺得有書未還。

我張借書證依家都唔見咗九世，無去借書都好多年，想睇書，可能會自己買，或者問人借。

今年被迫提早收爐，無事可做，不如多睇書。

十年無去過圖書館，今日我用身份證，借了兩本書。

有借一定有還
因為我家的書架已無空位再添新書。