新歐遊

年前到克羅地亞旅遊，一心想見識一吓靚到好似四川九寨溝的湖區美景，

只可惜正值寒冬，位於山區的十六湖國家公園厚厚地被白雪遮住，湖面結冰，所有遊覽的船都已停航.

雖然沿路風景確實係迷人，沿住亞得里亞海, 由藍天與白雲的海邊，會突然轉到吋草不生的山頭，再變成四野盡是白色的雪山。

不過我一路飛車趕路之間，不但發生意外，下午三點多到達時，天色已暗。人影都路唔多隻之餘，售票亭入口仲可以掂行掂過。

落車留下數行腳印後，真係帶住十萬個遺憾咁走！

尋日，睇到一個名叫" 新歐遊" 的節目。介紹的是較少人去的歐洲，我睇的一集正好人介紹由前南斯拉夫社會主議聯邦共和國宣佈獨立出來的國家，包括：斯洛文尼亞，克羅地亞，波斯尼亞和黑塞哥維那，黑山和阿爾巴尼亞之間。

再看之下，依然覺得那一堆國家真的美! 有意大利南部小鎮的橙頂小屋，希臘的小島風情，仲keep 住有一種中古世紀的味道，而沿海嘅蠔仲又平又好食！

我決定，搵次夏天要再去一次!

不過唔知要搵到幾時呢？！