多謝肉丸意粉

好驚，今日真係好驚，
當我今日買完props回家途中，我好驚我一返到屋企就會立即開電腦，
因為我呢個星期日日都俾部新機吸住十幾個鐘。做嘢時係咁，唔做嘢時又係咁。

本以為Home Office 好似好型，但近日發覺唔對路，好似有自閉及幽閉症狀。
尤其最近買咗新機之後，成個星期都對住部機，做嘢做到三點先食lunch,
返工都有一個鐘lunch hour, 我就沖完碗麥皮行開都唔夠十分鐘又行番去部機前面。
明明叫自己行開休息吓，睇吓電視，睇睇吓又坐咗喺度。
因為反光，所以我落晒𥦬簾, 又暗又得一個人，我真係曾經覺得自己撞邪。

所以今日突然好想煮飯，我情願企喺廚房, 都唔想坐喺書房。
雖然一身油煙，不過好爽！