曲奇餅復活了

死去了年多的造餅慾望在今年復活節復活了！

日本feel

上次去日本時，最後在機場吃了一碟日式咖哩飯，之後就一直想自己做一次。日本的咖哩，雖然唔辣，但因為有蘋果的甜味而很特別。
可惜想整前俾人一頭冷水照頭淋：有蘋果的咖哩，好難整喎！

唔死心，在internet上search 吓，見到一個一定work 嘅 recipe, 又真係唔難喎，所以咪試吓囉！
都似模似樣呀。為了加強日本feel，突別買了一罐Yebisu 的日本啤酒。Yebisu 出產自東京恵比寿，已有過百年歷史。而恵比寿的名字也就是 Ebisu, 不知是有 Yebisu 先，定有Ebisu先！

在日本飲過呢罐Yebisu克啤，係我第一次飲嘅克啤，唔苦之餘仲有好香的麥味，可能我見識少，嗰次真的令我覺得啤酒是好飲的。只可惜今次在香港買的呢罐Yebisu克啤，無麥香之餘仲有罐頭嘅鐵鏽味！只好記住下次去日本時再買！